Ўзбекистон Мустақиллигининг 27 йиллиги ва Қурбон Ҳайити арафасида ташкил этилган умумхалқ ҳашарида Сирдарё вилоятининг ҳам ёшу кекса фуқаролари фаол иштирок этиб, жойларда йирик ҳажмдаги ободонлаштириш-тозалаш ишларини амалга оширмоқда. Бу ҳақда ЎзА хабар бермоқда.
Умумхалқ ҳашарининг биринчи кунида вилоятдаги корхона, ташкилот, муассаса ва маҳаллалардан 180 687 нафар фуқаро иштирок этди. Уларнинг 126 703 нафари ёшлардир.
«Маҳалла» хайрия жамоат фонди вилоят бўлими маълумотларига кўра, вилоят бўйича 440 гектардан зиёд ер майдони ободонлаштирилди, 382 километрдан ортиқ ариқ, лоток ва зовурлар тозаланди, 1 127 тонна маиший, саноат ва қурилиш чиқиндилари чиқариб ташланди, бу ишларни бажариш учун 410 дан зиёд техника воситалари жалб этилди.
Ҳашарчилар 155 дан зиёд қабристон тозалади, 76 957 та мевали ва манзарали дарахтларга шакл берилиб, таглари оқланди. Вилоят бўйича 201 оиланинг 3 127 квадрат метр ҳажмдаги уй-жойлари ҳашар йўли билан таъмирлаб, оқлаб, суваб берилди.
Изоҳ (0)