Rossiya Mudofaa vazirligini o‘zining YouTube’dagi sahifasida “Avtobronetank texnika ustalari” tanlovida ilk bor ishtirok etayotgan ayollar jamoasining mashg‘ulot jarayoni aks etgan rolikni e’lon qildi. Bu haqda “Motor” xabar bermoqda.
Xabar berishlaricha, Rossiya Mudofaa vazirligining Avtobronetank bosh boshqarmasining ayollar jamoasi musobaqada “KAMAZ-4350”, “KAMAZ-5350” yuk mashinalari, “KAMAZ-65225” shatakchisi va UAZ Patriot yo‘ltanlamasida ishtirok etadi. Ushbu jamoa uchta xorijiy va Rossiyaning ikkita erkaklar jamoalari bilan bahs olib boradi.
Iyun oyida YouTube’dagi AiirSource Military kanali har yili an’anaviy tarzda o‘tkaziladigan Strong Europe Tank Challenge tank musobaqasidan tayyorlangan rolikni e’lon qilgan edi. Unda AQSh, Buyuk Britaniya va Polshadan kelgan jamoalar Abrams M1A2, Challenger II va Leopard 2A5 tanklarida to‘siqlardan o‘tish va avtomobillarni yanchish sinovlaridan o‘tayotgani ko‘rsatilgan edi.
Izoh (0)