АҚШда энг кўп ташриф буюрилувчи сайтлар учлигида ўрин алмашиш бўлиши кутилмоқда, деб ёзади 3DNews.
SimilarWeb тадқиқот компанияси прогнозига кўра, Google трафик бўйича катта фарқ билан етакчилик қилишда давом этади, аммо иккинчи ва учинчи ўринлар соҳиблари ўрин алмашиши мумкин. Бунда гап ташриф буюрувчилари сони сўнгги икки йил ичида деярли ярим баробар тушиб кетган Facebook ижтимоий тармоғи ва фойдаланувчилари охирги вақтда кўпайиб қолган YouTube видеохостинги ҳақида бормоқда.
Шуниси эътиборга лойиқки, кўришлар сони нафақат YouTube сайтида, балки сервиснинг мобил дастурида ҳам ошган. Facebook эса ўтган ойдаёқ рейтингда пастлашни бошлаган эди. Ўшанда Mарк Цукербергнинг компанияси Шимолий Америкада фаол фойдаланувчилар сони сақланиб қолгани, бироқ Европада бу кўрсаткич пасайганини маълум қилган эди.
Умуман олганда, сўнгги икки йил ичида Facebook.com сайтининг ҳар ойлик аудиторияси 8,5 миллиарддан 4,7 миллиардгача камайди. Дастур, веб-версиядан фарқли равишда ўсишни намоён қилди, аммо бу ижтимоий тармоққа браузердан кирадиганлар сафидаги йўқотишлар ўрнини боса олмайди.
Изоҳ (0)