Time журнали 2018 йилда интернетда таъсири энг кучли бўлган одамлар рейтингини тузди

Time журнали 2018 йилнинг интернетда таъсири энг кучли бўлган одамларидан иборат рейтингни тақдим этди, деб ёзади «РИА Новости».

Онлайн-жамоатчиликка энг катта таъсир ўтказган ва ОАВлар диққат марказида бўлган 25 киши орасидан шоу-бизнеснинг машҳур вакиллари, оммабоп блогерлар, сиёсатчилар ва ҳатто бутун бир ҳаракат ҳам ўрин олди. Рўйхатда ижобий таъсир ўтказганлар ҳам, норозиликларга сабаб бўлганлар ҳам бор.

Бу йил рейтингга қўшиқчи Рианна, Snapchat акциялари нархини 4 фоизга тушириб юборган Instagram пости, модель ва ёш она Кайли Женнер, 17 ёшли қўшиқчи Ариэль Мартин — Baby Ariel, қурол айланиши устидан назоратни кучайтиришни ёқлаб чиқаётган парклендлик активист талабалар ва ҳатто, Twitter’да маънодор баёнотлар беришни яхши кўрадиган АҚШ президенти Дональд Трамп ҳам кирди.

Интернетда таъсири энг кучли одамлар орасидан, шунингдек, рэпер Канье Уэст, Кореянинг BTS поп-гуруҳи, Instagram-блогер Бизи Филиппс, Филиппиннинг #BabaeAko ҳаракатига аъзо аёллар, олти ёшли YouTube-блогер Райан ҳам жой олди.

Бундан ташқари, интернетга «Yanny ёки Laurel» аудиоёзувини жойлаган талаба Роланд Сабо, «нолга тенг сабр-тоқат» сиёсатига қарши активистлар Шарлотта ва Дейв Виллнер, япониялик плюс-сайз модель Наоми Ватанабэ, YouTube юлдузлари Логан ва Жейк Пол ва бошқалар ҳам рейтингга кирди.