Республика олий таълим муассасаларига кириш тест синовларининг тўққизинчи кунида 15 та олий таълим муассасасининг 95 та таълим йўналишида 56 минг 642 нафар абитуриент иштирок этди. Бу ҳақда Бош вазир ўринбосари Азиз Абдуҳакимов маълум қилди.
Хабарда қайд этилишича, 9 август куни турли сабабларга кўра 1381 нафар абитуриент тест синовларига келмаган.
Тест синовлари тартиб қоидаларини бузганлиги сабабли 152 нафар абитуриент, шундан 89 нафари ҳудудга кириш жойида уяли телефон, шпаргалкалар олиб кириша ва ўзгани ўрнига кириш, 67 нафари бино ичида шпаргалкадан фойдаланиш ва бошқа абитуриентларга ёрдам беришга уринганлиги учун имтиҳонлардан четлаштирилди.
Натижаларни Давлат тест марказига қайтариш соат 18:30 дан бошланди. Сўнгги материаллар Қорақалпоғистон Республикаси, Хоразм ва Бухоро вилоятларидан кечаси 24:00да етиб келди.
9 август кунги тест натижалари 10 август куннинг иккинчи ярмида Давлат тест маркази сайтида эълон қилинади.
Изоҳ (0)