Тошкент шаҳрининг Юнусобод туманидаги Aurum 898 тунги клуби олдида 9 августга ўтар кечаси юз берган фожиа ҳақида аввал хабар берилган эди.
Шаҳар ИИББ ахборотига кўра, 25 ёшли Жамшид Кенжаев клубга пичоқ билан кирмоқчи бўлган, бироқ клуб қўриқчилари унинг пичоқ билан киришига қаршилик кўрсатгач, Жамшид улардан бирининг қорнига мушт туширган. Шундан сўнг Жамшид ва қўриқчилар ўртасида муштлашув бошланган. Оқибатда Жамшид Кенжаев кўп тан жароҳати олган ва жароҳатлари сабаб тонгда касалхонада вафот этган.
Мавзуга доир: Ўзбекистонлик эркин курашчи Жамшид Кенжаев тунги клубда юз берган пичоқбозлик оқибатида вафот этди
Aurum тунги клуби кириш эшиги олдида Жамшид Кенжаев тунги клуби қўриқчилари Ш.Илясов ва А.Мирзаев билан ўзаро жанжаллашиб, ёнида бўлган ошхона пичоғи билан Ш.Илясовга ва А.Мирзаевга санчиб кесилган тан жароҳатлари етказган. Жанжал давомида воқеа жойида бўлган Aurum тунги клубида қўриқловчи ёрдамчи Ш.Қиличов фуқаро Жамшид Кенжаевни қўлидан ошхона пичоғини тортиб олиб, унга санчиб кесилган тан жароҳатлари етказган.Жамшид Кенжаев пичоқ билан жароҳат етказган қўриқчилардан бири Ш.Илясов 7-сон шаҳар клиник шифохонасига, А.Мирзаев эса 1-сонли Республика клиник шифохонасига ётқизилган. Жамшид Кенжаевнинг ўзи эса 7-сон шаҳар клиник шифохонасида вафот этган.Бош прокуратура ахборотидан
Прокуратурадан маълум қилишларича, ушбу ҳолат юзасидан 9 август куни Тошкент шаҳар прокуратураси томонидан Ш.Қиличевга нисбатан Жиноят кодексининг 25, 97-моддаси 1-қисми билан жиноят иши қўзғатилиб, у Жиноят-процессуал кодексининг 221-моддаси тартибида ушланган (милиция ахборотида Ш.Қиличевдан ташқари яна икки киши — бирининг исми Саидазим, иккинчисиники эса Жаҳонгир — қўлга олингани айтилган эди).
Прокуратура ахборотида қўшимча қилинишича, иш юзасидан тергов ҳаракатлари шаҳар прокуратурасининг Ўта оғир жиноятларни тергов қилиш бўлими томонидан олиб борилмоқда.
Изоҳ (0)