Зулфия Абдураҳмонова 2-Республика клиник шифохонаси бош врачи лавозимига тайинланди. Бу ҳақда «Дарё»га Соғлиқни сақлаш вазирлиги ахборот хизмати маълум қилди.
Унга даволаш ишларида тиббиётнинг замонавий ва самарали технологияларини кенг жорий этиш, жумладан, кордиология, неврология, терапия каби қатор йўналишларни такомиллаштириш стратегиясини ишлаб чиқиш, тиббий радиология йўналишида илмий ишларни ривожлантириш, малакали кадрларни тайёрлаш, соҳа вакилларининг халқаро клиникаларда малака оширишлари, чет эл мутахассисларининг клиникада маҳорат дарсларини ташкил этиш каби вазифалар юклатилди.
Шунингдек, амалий натижалар билан одамлар ишончини қозониш, уларнинг дардига малҳам бўлиш каби устувор йўналишлар ҳам белгилаб берилди.
З.Абдураҳмонов бунга қадар мазкур клиник шифохонанинг даволаш ишлари бўйича бош врач ўринбосари, шу билан бирга, бош врач вазифасини бажарувчи сифатида фаолият юритиб келаётган эди.
Изоҳ (0)