Янгиланган Nintendo Entertainment System (NES) приставкаси савдолар ҳажми бўйича PlayStation 4 ва Xbox’ни ортда қолдирди, деб ёзади Spot Business Insider’га таяниб.
Оригинал приставканинг қайта ишланган версияси шу йилнинг июнида энг кўп сотилган ўйин консоли бўлди.
NES 29 июндан сотувга чиққанини ҳисобга олсак, приставкага савдо ҳажми бўйича қолган шундай маҳсулотлардан ўзиб кетиш учун икки кун етарли бўлган.
Албатта, замонавий консоллар NES’дан фарқли ўлароқ, 60 доллар турмайди, бу эса савдо ҳажми осонлик билан ошиши сабабини изоҳлайди.
Шунга қарамай, NES Classic Edition’нинг муваффақияти ҳайратланарли, дейилади хабарда.
Оригинал NES консоли 80 йиллар ўрталарида пайдо бўлган. 2016 йилда Nintendo компанияси уни қайтадан ишлаб чиқаришни йўлга қўйди. Янги модель анча ихчамроқ бўлиб, картриджларни талаб қилмайди. NES учун классикага айланган 30 та ўйин консолнинг хотирасига киритилган.
Изоҳ (0)