Самарқандда жорий йилнинг 6 ойи давомида аҳоли яшаш пунктлари санитар ҳолатини яхшилаш, ҳамда Ўзбекистон Республикаси «Чиқиндилар тўғрисида»ги қонуни талабларини жойларда бажарилиши бўйича 245 марта рейдлар ўтказилган. Рейдлар натижасида рўзғор чиқиндиларни белгиланмаган ҳудудларга жойлаштирганликлари учун 247 нафар ҳуқуқбузарлик ҳолати аниқланиб 43 060 000 сўм жарима солинган. Бу ҳақда «Дарё» мухбири Фарҳод Норбўтаев хабар бермоқда.
Вилоят Экология ва атроф-муҳитни муҳофаза қилиш бошқармаси берган маълумотга кўра, шаҳар ва туман инспекторлари томонидан 51 та норасмий чиқиндихоналар аниқланиб, ҳашар йўли билан ушбу норасмий чиқиндихоналардан 428,9 тонна маиший чиқиндилар олиб чиқилган.
Самарқанд шаҳар ҳудудидан оқиб ўтувчи Сиёб канали атрофига Самарқанд шаҳар «Хумо» маҳалласи ва «Ёшлар» маҳалласида яшовчи фуқаролар томонидан ҳар хил турдаги чиқиндиларни Сиёб канали атрофига ташлаётганлигини олдини олиш мақсадида маҳалла раисларига огоҳлантириш хатлари берилган ва чиқиндини белгиланмаган жойларга ташлаган фуқароларга нисбатан мамурий чоралар кўрилган.
Самарқанд шаҳар Зарафшон дарёси қирғоқлари ҳудудларида, «Катта ўзбек тракт» кўчасида ва «Меҳнат» маҳалласида шаҳар инспекторлари томонидан худудларда тўпланиб қолган ҳар хил турдаги чиқиндиларни тозалаш бўйича ҳашар ташкил қилиниб ҳудуд чиқиндилардан тозаланди.
Бундан ташқари 5 июнь «Халқаро атроф муҳитни муҳофаза қилиш куни» муносабати билан вилоятнинг барча шахар ва туманларида «Тоза ҳудуд» ДУК ҳамда ҳомийлар билан ҳамкорликда ҳудудларда 21 та норасмий чиқиндихоналар аниқланиб улардан 186 тонна чиқиндилар ҳашар йўли билан чиқиндихоналарга жойлаштирилди.
Самарқанд шаҳар ҳудудидан оқиб ўтувчи Сиёбча, Сиёб, Оби рахмат, Чашма каналлари ва коллекторлар бўйича Самарқанд вилоят Санитария эпидемиология назорат маркази ходимлари билан ҳамкорликда рейдлар ўтказилди ва ўтказилган рейдлар бўйича тушунтириш ишлари олиб борилган.
Изоҳ (0)