«Ўзбекистон темир йўллари» АЖ Жиззах—Мирзачўл йўналишида ҳаракатланишни йўлга қўйди. Бу ҳақда «Podrobno.uz» хабар бермоқда.
Жиззах вилоятининг Мирзачўл, Пахтакор, Дўстлик ва Шароф Рашидов туманларидан ўтадиган трассанинг умумий узунлиги 80 километр. Поезд кунига икки маҳал қатнайди: соат 6:00 да Мирзачўлдан, 19:30 да эса Жиззахдан йўлга чиқади. Бир томонга бориш 2 соат ва 10 дақиқа вақт олади.
Бир томонга чипта нархи 3,5 минг сўм. Бу таксига нисбатан уч баробар арзон. Поезд хизматидан бир рейс давомида 200 дан ортиқ киши фойдаланиши мумкин.
Изоҳ (0)