1 август, пайшанба куни соат 07:02 да Жиззах шаҳридаги «Малиш» болалар кийимлари дўконида ёнғин рўй берди, дея Жиззах вилояти ИИБ ЁХБ матбуот хизмати «Дарё»га хабар берди.
Воқеа жойига 2 та ёнғин ўчириш бўлинмаси юборилган. Ёнғин натижасида 60 квадрат метр майдоннинг шифт қисми ҳамда дўкон жиҳозлари ёнган. Бўлинмалар ёнғин жойига соат 07:07 да етиб борган. Соат 07:40 да ёнғин бутунлай ўчирилган.
Ёнғин электр симларининг қисқа туташуви натижасида содир бўлган, дея тахмин қилинмоқда.
Zaraр миқдори аниқланмоқда.
Изоҳ (0)