1-avgust, chorshanba kuni soat 07:02 da Jizzax shahridagi “Malish” bolalar kiyimlari do‘konida yong‘in ro‘y berdi, deya Jizzax viloyati IIB YoXB matbuot xizmati “Daryo”ga xabar berdi.
Voqea joyiga 2 ta yong‘in o‘chirish bo‘linmasi yuborilgan. Yong‘in natijasida 60 kvadrat metr maydonning shift qismi hamda do‘kon jihozlari yongan. Bo‘linmalar yong‘in joyiga soat 07:07 da yetib borgan. Soat 07:40 da yong‘in butunlay o‘chirilgan.
Yong‘in elektr simlarining qisqa tutashuvi natijasida sodir bo‘lgan, deya taxmin qilinmoqda.
Zarar miqdori aniqlanmoqda.
Izoh (0)