Европа Иттифоқи АҚШнинг «Қрим декларацияси»ни қўллаб-қувватлади, деб ёзмоқда «Корреспондент.net».
Қрим бўйича АҚШ декларацияси Россия томонидан ноқонуний равишда ҳудудларнинг қўшиб олиниши (аннексия) борасида Қўшма Штатларнинг принципиал позициясини билдиради, дея Европа Иттифоқининг ташқи сиёсат бўйича бошқармаси матбуот котиби Майя Косянчич маълум қилди.
Косянчичинг фикрича, Европа Иттифоқи Украинанинг суверенитети ва ҳудудий яхлитлигининг тарафдори бўлиб келмоқда.
Аввалроқ, давлат котиби Майк Помпео АҚШ ҳеч қачон Қримнинг Россия таркибига кирганини тан олмаслигини айтган. Украина президенти Пётр Порошенко Помпеонинг бу фикрини қўллаб-қувватлаган ва АҚШга Қрим бўйича декларация учун миннатдорлик билдирган.
Буюк Британия АҚШнинг «Қрим декларацияси»ни қўллаб-қувватлашини маълум қилган.
Россиянинг АҚШдаги элчихонасида Вашингтоннинг «бошқа реалликда яшашда давом этаётгани» айтилган.
«АҚШ давлат департаментидан Косованинг Сербияга қарашли экани тўғрисидаги декларацияни кутиб қоламиз», — дея элчихонада жавоб қайтарилган.