Бугун,

  • USD 11095.31
  • RUB 173.84
  • EUR 10772.44

26 июль куни Қуролли Кучлар академияси мажлислар залида Мудофаа вазирлиги ҳузуридаги Жамоатчилик кенгашининг 2018 йил 1-ярим йиллиги якунларига бағишланган видеоселектор йиғилиши бўлиб ўтди. Бу ҳақда вазирлик матбуот хизмати «Дарё»га маълум қилди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Йиғилишда Ўзбекистон Ёзувчилар уюшмаси раисининг ўринбосари, вазирлик ҳузуридаги Жамоатчилик кенгашининг раиси Иқболжон Мирзаалиев, мудофаа вазирининг ҳарбий-ватанпарварлик, маънавий-ахлоқий тарбия ва ёшлар билан ишлаш бўйича ўринбосари полковник Азизбек Икрамов, кенгашнинг округлардаги вакиллари ҳамда бошқа аъзолари иштирок этди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Ўзбекистон халқ шоири Иқболжон Мирзаалиев 2018 йил 1-ярим йиллиги давомида Мудофаа вазирлиги ҳузуридаги Жамоатчилик кенгаши ва унинг минтақавий бўлинмалари томонидан амалга оширилган ишлар ҳамда келгуси вазифалар борасидаги маърузаси билан йиғилишни очиб берди. Жамоатчилик кенгаши раиси Ўзбекистон Президентининг мудофаа ва хавфсизлик борасидаги топшириқлари мониторингини юритиш, бу орқали амалий ишларни йўлга қўйишда юзага келаётган муаммоларни бартараф этиш, шу билан бирга, ҳарбий хизматчиларнинг маънавий-маърифий онгини шакллантиришда тадбирларни тизимли равишда ўтказишни таклиф қилди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Шундан сўнг Вазирлар Маҳкамасининг 2018 йил 23 февралдаги «Ёшларни ҳарбий-ватанпарварлик руҳида тарбиялаш концепциясини тасдиқлаш тўғрисида»ги 140-сонли қарори ижросини таъминлаш борасида амалга оширилган ишларга оид ҳисоботлар тингланди.

Жамоатчилик кенгашининг Қашқадарё, Фарғона, Наманган, Андижон вилоятидаги вакиллари бирма-бир сўзга чиқиб, мавжуд муаммолар юзасидан фикр билдирди, йиғилиш иштирокчилари амалга оширилаётган ишлар юзасидан ўз мулоҳазаларини сўзлади.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Йиғилишда Кенгаш ва унинг минтақавий бўлинмалари томонидан амалга оширилаётган мазкур ишларда, асосан, кам сонли аъзоларгина фаоллик кўрсатаётгани танқид қилиниб, бунга нисбатан кескин чоралар кўриш таклифи билдирилди. Сўнгги вақтларда Жамоатчилик кенгаши аъзолари асосан байрамлар муносабати билан ҳарбий қисм ва муассасаларга ташриф буюраётганлиги, Кенгаш низомида белгиланган талаблар ва кенгаш томонидан йил бошида қабул қилинган режа тадбирларининг бажарилишига, умуман Жамоатчилик кенгаши фаолиятига барча аъзоларнинг бирдек ёндашмаётганлиги кузатилаётгани таъкидланди.

Бу ҳолатда ачинарлиси, айрим кенгаш аъзолари шу кенгашнинг хаттоки аъзоси эканлигини унутиб қуйишган, кенгаш фаолиятида умуман иштирок этмайди, ўзининг ишга кўмилиб кетганлигини, умуман вақти йўқлигини билдиришади.

Шунингдек, видеоселектор йиғилишда Ўзбекистон Республикаси давлат мустақиллигининг 27 йиллигига тайёргарлик кўриш мавзуси ҳам муҳокама этилди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Тадбир якунида Жамоатчилик кенгашининг энг фаол ва жонкуяр аъзоларига Тошкент олий умумқўшин қўмондонлик билим юрти (ҳозирги Қуролли Кучлар академияси)нинг 100 йиллиги муносабати билан кўкрак нишонлари топширилди.

Изоҳ
Asosiy yangiliklar
Маҳаллий
Ўзбекистонда изғирин совуқ ҳафта охиригача сақланиб қолади
Маданият
«Шогирдлар Бобомурод Ҳамдамовнинг ҳаққини беришмаяпти» — Халқ артисти қўшиғини рухсатсиз ижро этган хонандалар билан судлашмоқда (видео)
Маҳаллий
Ўзбекистонда талабалар учун қишки таътил муддати белгиланди