«Насаф» «Қўқон-1912»ни, «Пахтакор» эса «Металлург»ни таслим этди, «Бухоро» АГМКга ютқазиб қўйди

Кеча, ​23 июль санасида футбол бўйича Ўзбекистон Pepsi Суперлигасининг 18-тур учрашувлари бошланди.​

Кун тақвимидан 3 та беллашув ўрин олганди.

Дастлабки ўйин Олмалиқда АГМК ҳамда «Бухоро» жамоалари ўртасида кечди. Учрашув тақдирини 40 ҳамда 73-дақиқада гол уришга эришган Йован Жокич ҳал этди. Шу тариқа олмалиқликлар муҳим 3 очкога эга бўлди.

Иккинчи учрашув эса Тошкентда «Пахтакор» Бекободнинг «Металлург» жамоалари ўртасида бўлиб ўтди. Ўйиннинг биринчи бўлими 24-дақиқасида Тиаго Безерра ҳисобни очган бўлса, иккинчи бўлимнинг энг сўнгги дақиқаларида Исмоил Гонсалвеш 2 та гол уриб, «Пахтакор»нинг йирик ҳисобдаги ғалабасини таъминлади.

Куннинг сўнгги ўйинида «Насаф» ўз майдонида «Қўқон-1912» жамоасини қабул қилди. Ўйини тақдири Бобир Абдуҳолиқовнинг ягона голи орқали ҳал этилди. «Насаф» эса бир неча учрашувлардан бери давом этаётган омадсиз ўйинлар сериясига барҳам бериб, 3 очколи бўлди.