Буэнависта шаҳри мэри Элисео Дельгадо шаҳар маъмурияти биносига кириш олдида номаълум шахс томонидан отиб ўлдирилди. Бу ҳақда Excelsior порталига таяниб, «РИА Новости» хабар бермоқда.
Элисео Дельгадо яқинда бўлиб ўтган президентлик сайловларида ғолиб чиққан Андрес Мануэль Лопес Обрадорнинг «Биргаликда тарихни яратамиз» коалициясидан мерликка сайланган.
Делгадо Мексикада бир кун ичида (20 июль, жума куни) ўлдирилган учинчи мансабдор бўлди. Худди шу куни «Морена» партиясидан тайинланган Тлакепаке шаҳри (Халиско штати) маслаҳатчиси ва Сан-Мигел-Чималапас қишлоғи (Оахака штати) жамоат мулки бўйича комиссари ўлдирилган.
Сўнгги йилларда Мексикада гиёҳванд моддалар ишлаб чиқарувчи картелларнинг (монополия шакли) АҚШга кокаин транзит қилишда рақобатлашиши оқибатида мамлакатда зўравонлик авж олган. Сайловолди кампанияси давомида 520 дан ортиқ сиёсатчи ва давлат идоралари ходимлари ўлдирилган.
Изоҳ (0)