Жиззах давлат педагогика институти сиртқи бўлимида ишлайдиган Т.Х. Самарқанд вилояти Пастдарғом тумани Жума шаҳарчасида яшовчи Х.Ш.нинг қизини ўқишга киритиб қўйиш ваъдаси билан 5 минг доллар олаётган вақтда қўлга тушди. Бу ҳақда Жиззах вилоят ИИБ матбуот хизмати «Дарё»га маълум қилди.
Маълум бўлишича, 15 июль куни Х.Ш. қизининг ҳужжатларини топшириш учун Жиззах давлат педагогика институтига келганида, Ҳ.Ҳ. исмли шахс билан гаплашиб қолади. Ҳ.Ҳ. институтда ишловчи таниши Т.Х. ёрдамида Х.Ш.нинг қизини ўқишга киритиб қўя олишини айтади.
17 июль куни Х.Ш. институтда Т.Х. билан учрашади, хизмат ҳақи 5 минг доллар бўлишини ва пулни Ҳ.Ҳ. орқали олишини маълум қилади.
19 июль куни Ҳ.Ҳ. институт олдида 5 минг долларни олган вақти Жиззах вилоят ИИБ ва прокуратураси ходимлари томонидан қўлга олинади. Кўп ўтмай, тезкор тадбир давомида Т.Х. институт олдида Ҳ.Ҳ.дан 5 минг олаётган вақти қўлга олинади.
Ҳозирда мазкур ҳолат юзасидан жиноят иши қўзғатилган.
Изоҳ (0)