Ўзбекистон Ички ишлар вазирлиги ишбилармон, Халқаро бокс федерацияси — AIBA президенти вазифасини бажараётган Ғофур Раҳимовни қидирувдаги шахслар рўйхатидан олиб ташлади. Бу ҳақда «Kun.uz» манбаси хабар бермоқда.
Ғофур Раҳимов ва унинг турмуш ўртоғи шу йилнинг 15 июнь куни қидирувдаги шахслар рўйхатида қайд этилганди.
Ички ишлар вазирлиги расмий сайтининг янгиланган маълумотида 1951 йилнинг 22 июлида таваллуд топган Ғофур-Арслонбек Аҳмедович Раҳимов ва унинг турмуш ўртоғи, 1967 йил 24 июнда туғилган Лола Раҳимова қидирувдаги шахслар рўйхатидан топилмади.
Аввалроқ Ғофур Раҳимов ҳеч қачон уюшган жиноятчиликка алоқадор бўлмагани ҳақида баёнот берганди.
Маълумот учун, Ғофур Раҳимовга «вазифасини бажарувчи» тамғасидан қутилиш имконини берадиган AIBA президенти сайлови жорий йил ноябрь ойида Москвада ўтказилиши кутилмоқда.
Изоҳ (0)