Тошкент вилоятининг Олмалиқ шаҳрида маҳаллий кон-металлургия комбинатига қарашли ҳудудда рўй берган ўғирлик ҳолати юзасидан 3 июль куни ИИБга ҳужжатлар келиб тушди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Маълум бўлишича, шу йил 20 май кунидан 26 май кунигача бўлган вақт оралиғида Намуна маҳалласида яшовчи муқаддам судланган М.И. ва Ф.А. «Олмалиқ КМК» АЖ саноат темир йўл транспорти бошқармасига қарашли темир йўл станцияси ҳудудига ғайриқонуний равишда кирган.
Маҳалладошлар у ердан умумий қиймати 22 миллион сўмдан ортиқ, таркибида қимматбаҳо металл бўлган саноат қурилмаларини ўғирлаб кетган.
М.И. ва Ф.А. ушланди. Суриштирув ишлари олиб борилмоқда.
Изоҳ (0)