Қримнинг Россияга тегишли эканлиги аниқ ва бу масала Россия президенти Владимир Путиннинг америкалик ҳамкасби Дональд Трамп билан учрашувида кун тартибига киритилмаган. Бу ҳақда Кремль расмий вакили Дмитрий Песков маълум қилди, деб ёзади «РИА Новости».
Россия президентининг матбуот котиби таъкидлашича, Москва ва Вашингтоннинг кўп масалалар борасида фикрлари турлича бўлса-да, икки томонлама мулоқотни йўлга қўйиш зарурлиги тушунчаси мустаҳкамланмоқда.
«Кўриб турганингиздек, ҳозир сиёсий ирода барибир устун келди ва бундай баҳсли масалалар икки томонлама алоқани йўлга қўйиш ва кенгайтириш йўлида тўсиқ бўлмаслиги кераклиги ҳақидаги тушунча мустаҳкамланмоқда», — деди у.
Аввалроқ Дональд Трамп Қримни Россияга тегишли ҳудуд деб тан олиш эҳтимолини истисно қилмаётганлиги хабар берилган эди.
Изоҳ (0)