Американинг Айдахо штатида 30 ёшли Тимми Киннер исмли шахс болалар байрамига пичоқ билан бостириб борди ва тўққиз кишини пичоқлади, деб хабар беради New York Post.
Ҳодиса асосан Лотин Америкасидан келган қочоқлар яшайдиган Бойс шаҳридаги турар жой мажмуаларидан бирида юз берган. Болалар уч яшар қизчанинг туғилган кунини нишонлашга келган. Киннер у ерга қандай бориб қолгани номаълум. У дастлаб болаларга ҳамла қилган, катталар уларни ҳимоя қилишга уринган.
Натижада олти бола ва уч нафар катта ёшли шахс турли оғирликда жароҳатлар олган. Улар маҳаллий касалхонага етказилди. Тўрт киши оғир аҳволда.
Полиция теракт версиясини рад этиб, бу «баджаҳл, руҳий бетайин одамнинг ҳужуми бўлгани»ни айтмоқда. Эркак аввалроқ уни ёмон хулқи учун турар жой мажмуасидан қувиб юборишгани ўч олиш мақсадида келган бўлиши мумкин.
Изоҳ (0)