Фарғона вилояти Тошлоқ туманидаги «Заркент» ва «Янгийўл» маҳалла фуқаролар йиғини ҳудудидаги баъзи салбий ҳолатларга мутасаддилар нега кўз юммоқда? Ёки «Обод қишлоқ» дастури бу ерда номигагина амалга оширилмоқдами? — деб ёзади ЎзА.
Таъкидланишича, Фарғона вилоятининг 15 туманидаги 30 маҳалла фуқаролар йиғинида «Обод қишлоқ» дастури асосида кенг кўламли ишлар амалга оширилмоқда. Дастур доирасида 163,3 миллиард сўм ўзлаштирилиши ҳисобига 10 минг 768 уй-жойни таъмирлаш, 78 километр ичимлик сув ва 99,3 километр электр тармоғи тортиш, 934 тозалаш иншооти қазиш, 123,6 километр хўжаликлараро ва ички йўлларни, мавжуд трансформаторларни таъмирлаш, 98 ижтимоий, 268 бозор инфратузилма объектларини қуриш ва таъмирлаш каби ишлар юзасидан тегишли чора-тадбирлар белгилаб олинган.
Хусусан, Тошлоқ туманидаги «Заркент» ва «Янгийўл» маҳалла фуқаролар йиғинида бу борада ишлаб чиқилган аниқ чора-тадбирлар асосида тегишли ишлар бажарилмоқда. Шу кунга қадар 170 кўча чироқлари ўрнатилди, 15 трансформатор таъмирдан чиқарилди, бир қатор кўчаларга асфальт ётқизилди. Шунингдек, кўчалардаги пана-пастқам, кўримсиз уй-жойлар бузилиб, янгиланмоқда, замонавий маиший хизмат шохобчалари қад ростламоқда.
Афсуски, «Обод қишлоқ» дастури асосидаги ишлар мазкур ҳудудларда сусткашлик билан амалга оширилмоқда. Аҳолини кўп йиллардан буён қийнаб келаётган масалаларга ҳануз аниқ ечим топилмаган, дейилади хабарда.
Изоҳ (0)