Россия Бонистлар (муомаладан чиққан пул белгилари ва боналарни ўрганувчи олимлар) иттифоқи эксперти, Қоғоз-пул моамаласи ёдгорликларини ўрганиш маркази аъзоси Роман Леонов Ўзбекистонга янги тангалар нима сабабдан кераклиги ҳақида гапирди, деб ёзади Sputnik.
Унинг айтишича, майда номиналдаги қоғоз пулларнинг тангаларга алмаштирилиши, биринчи навбатда, банкнотларни чоп этишга кетадиган бюджет пулларини иқтисод қилишга қаратилган.
«Россияда 1997 йилда беш рубль номиналли қоғоз пул белгилари бор эди. Бугун улар тўлиқ тангалар билан алмаштирилган. Худди шу тарзда қоғоз ўн рублликлар ҳам муомаладан чиқарилди», — деди Леонов.
Эксперт тангаларнинг яроқлилик муддати қарийб 20 йил эканлигига, майда пул купюралари эса 6—8 ойдан кейин яроқсиз бўлиб қолишига эътибор қаратди.
Эслатиб ўтамиз, Ўзбекистон Марказий банки 2 июлдан янги намунадаги 50, 100, 200, 500 сўмлик тангалар муомалага чиқарилишини эълон қилди.
Изоҳ (0)