Жорий йилнинг июнь ойи Ucell учун муҳим воқеаларга бой бўлди: компания Ўзбекистон бозоридаги фаолиятининг 10 йиллигини нишонлади, Қарши шаҳридаги абонентларга хизмат кўрсатиш офисини янгилади ва Шаҳрисабзда янги офисни ишга туширди.
Илк ёз ойининг қизғин палласида, аниқроғи, 21 июнь куни, Шаҳрисабз аҳолиси ва меҳмонлари учун Ucell компаниясининг янги мини офиси ўз эшикларини очди. Эндиликда шаҳрисабзликлар шаҳардан ташқарига чиқмай тармоққа уланишлари, уяли алоқа хизматлари учун тўловни амалга ошришлари, янги тарифлар ва акциялар ҳақидаги маълумотлар билан таншишилари мумкин.
— Биз ҳудудларда абонентларга хизмат кўрсатиш даражасини ошириш устида ишлашни ва бутун мамлакат бўйлаб офислар тармоғини кенгайтиришни давом эттирамиз. Бугунги кунда абонентларга қулайлик яратиш учун Қашқадарё вилоятида Ucell компаниясининг 6 та хизмат кўрсатиш офислари фполият олиб бормоқда, булар: Қарши шаҳридаги асосий офис, Шаҳрисабз шаҳридаги янги мини-офис, 3 та экспресс-офис ва бутун вилоятни максимал ҳудудий қамраб олишга мўлжалланган битта мобил офислардир. Шунга мос равишда операторлар сони ҳам ошди, натижада кун давомида янада кўпроқ абонентларга хизмат кўрсатиш имконияти туғилди, — дейди сотувлар ва хизмат кўрсатиш каналларини ривожлантириш бўйича бўлим директори Дурбек Саттаров.
22 июнь санасида компания учун яна бир аҳамиятли ҳодиса рўй берди — Қарши шаҳрида сотувлар ва абонентларга хизмат кўрсатиш бўйича янгиланган офис тантанали равишда очилди. Тадбирда шаҳар аҳли, Ucell компанияси ходимлари, ОАВ вакиллари ва фахрий меҳмонлар йиғилишди. Ажойиб кўнгилочар дастур, шўх қўшиқлар, ўйинлар ва совғалар биргаликда умумий байрам таровати ва қувончини ҳосил қилди.
«Абонентларимизга — Қарши ва Шаҳрисабз аҳлига, шунингдек республика меҳмонларига янада яқин бўлиш биз учун катта бахт; тарихий шаҳарларда янги ҳудудий офисларни очган ҳолда, туризм секторини ривожлантириш йўналишида давлат сиёсатини қўллаб-қувватлашни мақсад қилганмиз,» — деб қайд этди Ucell компанияси молиявий бўлими директори Гари Митчелл Красни ўз нутқида.
Қарши шаҳар ҳокими ўринбосари Алишер Насимов ўзининг байрам нутқида Ucell компаниясига офиснинг янгилаганлиги юзасидан миннатдорчилик билдирди ва ушбу ўзгаришлар Қарши шаҳри аҳолисига хизмат кўрсатиш сифатининг такомиллашувига ёрдам беришини ҳамда шаҳар инфратузилмаси ва қиёфаси яхшиланишига катта ҳисса қўшишини таъкидлади.
Ucell компанияси абоненти Нодирбек Бобоев янги такомиллаштирилган офис ҳақидаги ўз таассуротлари билан ўртоқлашди:
— Мана, 8 йил йилдирки мен Ucell компанияси абонентиман. Алоқа сифатидан ғоятда мамнунман, айниқса шаҳар ташқарисида алоқа анча яхши. Олдин офисга кўп маротаба ташриф буюрганман ва янги офисда анча-мунча ўзгаришлар бўлганлигини айтиб ўтмоқчиман. Янги ва яққол дизайндан ташқари велосипедлар қўядиган жой ва электрон навбат тизими мавжудлиги кишини қувонтиради. Ucell компанияси бундан-да юксалиши ва тараққий этишига тилакдошман.
Қарши шаҳар фронт-офиси операторларидан бири Динара Тимашева йирик уяли алоқа компаниясида ишлашнинг афзалликлари ҳақида айтиб ўтди:
— Биз Ucell`ни нафақат ўзининг абонентлари, балки ходимлари ҳақида ҳам қайғурадиган «ғамхўр компания» деб атаймиз. Ucell компанияда ишлаш, аввало, ривожланиш демакдир. Бизда ҳар доим тренинглар ва тимбилдинглар ўтказилади. Ишлаш ва ўрганиш жараёнида биз эгаллайдиган кўникмалар мураккаб вазиятлардан чиқишга ва ҳаётда ҳам тўғри йўл топа олишга ёрдам беради.
Ucell компанияси ўз сарҳадларини кенгайтиришга ҳаракат қилмоқда. Асосий вазифалардан бири — барча ҳудудлар аҳолисини бир хил юқори даражали хизмат билан таъминланиши ва компания мижозлари муаммосиз ўз операторлари билан ишончли алоқа ўрната олишларини амалга оширишдир.
Реклама ҳуқуқи асосида
Изоҳ (0)