Joriy yilning iyun oyi Ucell uchun muhim voqealarga boy bo‘ldi: kompaniya O‘zbekiston bozoridagi faoliyatining 10 yilligini nishonladi, Qarshi shahridagi abonentlarga xizmat ko‘rsatish ofisini yangiladi va Shahrisabzda yangi ofisni ishga tushirdi.
Ilk yoz oyining qizg‘in pallasida, aniqrog‘i, 21-iyun kuni, Shahrisabz aholisi va mehmonlari uchun Ucell kompaniyasining yangi mini ofisi o‘z eshiklarini ochdi. Endilikda shahrisabzliklar shahardan tashqariga chiqmay tarmoqqa ulanishlari, uyali aloqa xizmatlari uchun to‘lovni amalga oshrishlari, yangi tariflar va aksiyalar haqidagi ma’lumotlar bilan tanshishilari mumkin.
— Biz hududlarda abonentlarga xizmat ko‘rsatish darajasini oshirish ustida ishlashni va butun mamlakat bo‘ylab ofislar tarmog‘ini kengaytirishni davom ettiramiz. Bugungi kunda abonentlarga qulaylik yaratish uchun Qashqadaryo viloyatida Ucell kompaniyasining 6 ta xizmat ko‘rsatish ofislari fpoliyat olib bormoqda, bular: Qarshi shahridagi asosiy ofis, Shahrisabz shahridagi yangi mini-ofis, 3 ta ekspress-ofis va butun viloyatni maksimal hududiy qamrab olishga mo‘ljallangan bitta mobil ofislardir. Shunga mos ravishda operatorlar soni ham oshdi, natijada kun davomida yanada ko‘proq abonentlarga xizmat ko‘rsatish imkoniyati tug‘ildi, — deydi sotuvlar va xizmat ko‘rsatish kanallarini rivojlantirish bo‘yicha bo‘lim direktori Durbek Sattarov.
22-iyun sanasida kompaniya uchun yana bir ahamiyatli hodisa ro‘y berdi — Qarshi shahrida sotuvlar va abonentlarga xizmat ko‘rsatish bo‘yicha yangilangan ofis tantanali ravishda ochildi. Tadbirda shahar ahli, Ucell kompaniyasi xodimlari, OAV vakillari va faxriy mehmonlar yig‘ilishdi. Ajoyib ko‘ngilochar dastur, sho‘x qo‘shiqlar, o‘yinlar va sovg‘alar birgalikda umumiy bayram tarovati va quvonchini hosil qildi.
“Abonentlarimizga — Qarshi va Shahrisabz ahliga, shuningdek respublika mehmonlariga yanada yaqin bo‘lish biz uchun katta baxt; tarixiy shaharlarda yangi hududiy ofislarni ochgan holda, turizm sektorini rivojlantirish yo‘nalishida davlat siyosatini qo‘llab-quvvatlashni maqsad qilganmiz,” — deb qayd etdi Ucell kompaniyasi moliyaviy bo‘limi direktori Gari Mitchell Krasni o‘z nutqida.
Qarshi shahar hokimi o‘rinbosari Alisher Nasimov o‘zining bayram nutqida Ucell kompaniyasiga ofisning yangilaganligi yuzasidan minnatdorchilik bildirdi va ushbu o‘zgarishlar Qarshi shahri aholisiga xizmat ko‘rsatish sifatining takomillashuviga yordam berishini hamda shahar infratuzilmasi va qiyofasi yaxshilanishiga katta hissa qo‘shishini ta’kidladi.
Ucell kompaniyasi abonenti Nodirbek Boboyev yangi takomillashtirilgan ofis haqidagi o‘z taassurotlari bilan o‘rtoqlashdi:
— Mana, 8 yil yildirki men Ucell kompaniyasi abonentiman. Aloqa sifatidan g‘oyatda mamnunman, ayniqsa shahar tashqarisida aloqa ancha yaxshi. Oldin ofisga ko‘p marotaba tashrif buyurganman va yangi ofisda ancha-muncha o‘zgarishlar bo‘lganligini aytib o‘tmoqchiman. Yangi va yaqqol dizayndan tashqari velosipedlar qo‘yadigan joy va elektron navbat tizimi mavjudligi kishini quvontiradi. Ucell kompaniyasi bundan-da yuksalishi va taraqqiy etishiga tilakdoshman.
Qarshi shahar front-ofisi operatorlaridan biri Dinara Timasheva yirik uyali aloqa kompaniyasida ishlashning afzalliklari haqida aytib o‘tdi:
— Biz Ucell`ni nafaqat o‘zining abonentlari, balki xodimlari haqida ham qayg‘uradigan “g‘amxo‘r kompaniya” deb ataymiz. Ucell kompaniyada ishlash, avvalo, rivojlanish demakdir. Bizda har doim treninglar va timbildinglar o‘tkaziladi. Ishlash va o‘rganish jarayonida biz egallaydigan ko‘nikmalar murakkab vaziyatlardan chiqishga va hayotda ham to‘g‘ri yo‘l topa olishga yordam beradi.
Ucell kompaniyasi o‘z sarhadlarini kengaytirishga harakat qilmoqda. Asosiy vazifalardan biri — barcha hududlar aholisini bir xil yuqori darajali xizmat bilan ta’minlanishi va kompaniya mijozlari muammosiz o‘z operatorlari bilan ishonchli aloqa o‘rnata olishlarini amalga oshirishdir.
Reklama huquqi asosida
Izoh (0)