Президент қарорига мувофиқ «Меҳнаткаш деҳқон» кўкрак нишони таъсис этилди. Бу ҳақда Адлия вазирлиги маълум қилди.
«Меҳнаткаш деҳқон» кўкрак нишони билан экин майдонлари унумдорлигини ошириш борасида салмоқли ишларни амалга ошираётган деҳқон хўжаликлари раҳбарлари, аъзолари, миришкор деҳқонлар ва бошқа қишлоқ хўжалиги соҳаси ходимлари тақдирланади.
Кўкрак нишони билан тақдирлаш бўйича таклифлар туман қишлоқ хўжалиги бўлими, фуқароларни ўзини ўзи бошқариш органлари фаолиятини мувофиқлаштириш бўйича туман кенгаши ҳамда маҳалла фуқаролар йиғинлари билан ҳамкорликда туман фермер, деҳқон хўжаликлари ва томорқа ер эгалари кенгаши томонидан шакллантирилади.
Изоҳ (0)