Эрон парламенти биноси олдида 25 июнь куни Теҳрон аҳолиси намойиш ўтказди. Иштирокчилар ҳукуматнинг иқтисодий сиёсатидан норозилигини билдириш учун йиғилди. Полиция намойиш иштирокчиларини тарқатиб юборган, бунда оммани тарқатиш учун махсус воситалар ва кўздан ёш оқизувчи газ қўлланилган. Бу ҳақда EADaily хабар берди.
Бу ўтган йилнинг охири ва жорий йилнинг бошида Эронда юз берган оммавий намойишлардан кейин ҳукуматга қарши акциянинг биринчи марта тарқатиб юборилиш ҳолати ҳисобланади.
Кичик бизнес вакиллари бир кун аввал пайтахт атрофидаги савдо марказларида қайд этилган намойиш акцияларидан кейин парламент биноси олдига келган.
Маҳаллий ОАВ маълумотларига кўра, намойишларга ҳукумат томонидан мамлакат валютаси курсининг пасайишдан ушлаб турилиши ва мамлакатда ўсиб бораётган инфлация сабаб бўлган. «Қора бозор»да бир доллар 90 минг риалга баҳоланмоқда. Аввалроқ Эрон ҳукумати бир доллар учун 42 минг риални қатъий белгилаш ҳақида маълум қилган.
Изоҳ (0)