Самарқанд шаҳар ҳокимлиги томонидан эҳтиёжманд ва кам таъминланган оилаларга 41 та газ баллони, 8 та газ плитаси ва жисмоний имконияти чекланган фуқароларга 29 та ногиронлик аравачалари топширилади, деб хабар бермоқда «Дарё» мухбири Фарҳод Норбўтаев.
Тадбирда Самарқанд шаҳар ҳокими Фурқат Рахимов иштирок этиб, эҳтиёжманд ва кам таъминланган оилаларга совғалар тақдим этди.
Самарқандда ногиронлиги бўлган шахслар, кам таъминланган оилаларни ижтимоий ҳимоялашга қаратилган кенг кўламли тизим асосида жорий йилнинг бошидан буён ногиронлиги бўлган шахсларга 39 та аравача, 15 та ортопедик (7 та қўлтиқтаёқ, 8 та ҳасса) жиҳозлар, шунингдек, жами 100 миллион сўмлик уй-рўзғор ва маиший жиҳозлар етказиб берилди.
Шаҳар ҳокимлиги томонидан ногиронлиги бўлган шахслар, доимий иш ўрнига эга бўлмаган кишиларни иш билан таъминлаш мақсадида ўз хонадонида шахсий бизнесини юритиш ниятида бўлган 200 нафар кишига 13 миллион сўмдан банк кредити ажратилди.
2017 йилда Самарқанд шаҳрида қаровсиз ётган бинолардан бири қайта таъмирланиб, муҳтож оилалардан 32 таси доимий яшаш жойига эга бўлган. Жорий йилда эса яна 52 та оила доимий яшаш жойига эга бўлди.
Изоҳ (0)