Осиё тараққиёт банки (ОТБ) 15 июнь куни Ўзбекистоннинг барча вилоятлари ва Қорақалпоғистон Республикасида мева-сабзавотчилик соҳасида ишлаб чиқариш-сотиш занжирини ривожлантириш учун 198 миллион доллар миқдорида кредит тақдим этишни тасдиқлади. Бу ҳақда ОТБ матбуот хизматига таяниб, Spot хабар берди.
Лойиҳа фермер-боғбонларнинг узоқ муддатли иқтисодий барқарорлигини таъминлашга қаратилган.
«Мева-сабзавотчилик билан шуғулланувчи фермерлар ва ушбу соҳасидаги ишлаб чиқариш-сотиш занжирига жалб қилинган корхоналарнинг катта қисми узоқ муддатли молиялаштиришни олишлари мумкин», — дейди Осиё тараққиёт банкининг Марказий ва Ғарбий Осиё минтақавий департаменти табиий ресурслар ҳамда қишлоқ хўжалиги бўйича катта иқтисодчиси Буи Минх Жиап.
Мазкур кредит Ўзбекистонда ОТБ 2016 йилда бошлаган ҳамда мева-сабзавотчиликни қўллаб-қувватлашга қаратилган лойиҳанинг давоми бўлди. Ўшанда 154 миллион доллар ажратилди, уларни ҳукумат банкларга қайта кредитлади, бу улар фермерлар ва корхоналарга субкредитлар тақдим этиш учун қилинган.
Пуллар мева ва сабзавотчилик соҳасидаги фаолиятни молиялаштиришга, шу жумладан, мева-сабзавот маҳсулотларини сотиб олишга, уларни қайта ишлаш ва сақлаш учун ускуналар ҳамда техник жиҳозларни харид қилишга сарфланиши керак эди.
Ушбу лойиҳа еттита банкни ўз ичига қамраб олади («Асака», «Давр-банк», «Ипак йўли», «Ипотека банк», Миллий банк, «Туронбанк», «Ўзсаноатқурилишбанк»).
Қишлоқ хўжалиги Ўзбекистонда бандликнинг 32 фоизини эгаллайди. У аҳолининг 49 фоизи яшайдиган қишлоқ жойларида асосий даромад манбаи ҳисобланади.
Изоҳ (0)