Дональд Трамп ва КХДР етакчиси Ким Чен Ин АҚШ — Шимолий Корея саммитининг якуний ҳужжатини имзолади. ABC телеканали мазкур маросимни тўғридан-тўғри трансляция қилди, деб хабар беради «Газета.ru».
Иккала етакчи ҳам якуний ҳужжатни кенг қамровли ва батафсил деб атади.
Маросим вақтида Трамп Ким Чен Инга бир неча бор миннатдорчилик билдирди ва бўлиб ўтган музокараларни фантастик воқеа деб атади.
«АҚШ ва КХДР ўртасидаги муносабат аввалгидан кўра ўзгаради. Биз (Трамп ва Ким Чен Ин) биргаликда ишлашни истаймиз, бизда алоҳида аҳамиятга эга муҳим алоқа пайдо бўлди», — дейди Америка президенти.
Эслатиб ўтамиз, Дональд Трамп ва Ким Чен Ин Сингапурда 12 июнь куни тонгда тарихдаги илк АҚШ ва КХДР саммити доирасида учрашди.