Саудия Арабистонининг Мадина шаҳрида жойлашган Муҳаммад (с.а.в.) пайғамбар масжиди имоми Шайх Али Бин Абдулла Раҳмон Ал Ҳузайфий «Йилнинг исломий шахси» мукофотига сазовор бўлди, деб ёзади UAE Inside.
Шайх Ҳузайфий Муҳаммад (с.а.в.) пайғамбар масжидининг энг узоқ йиллардан буён фаолият юритаётган имомларидан биридир. У шунингдек, етакчи ислом олимлари қаторига киради ва ислом дунёсидаги энг ҳурматли шахслардан ҳисобланади.
Шайх Ҳузайфий мукофот сифатида 1 миллион дирҳам пулни қўлга киритди.
«Йилнинг исломий шахси» мукофоти 22 йилдан буён DIHQА ташкилоти томонидан ислом дунёси олимлари ва муассасаларига уларнинг Қуръон олдидаги хизматлари учун бериб келинадиган энг нуфузли мукофотлардан биридир.
Изоҳ (0)