Россиянинг Волгоград шаҳрида катамаран ва теплоход тўқнашуви оқибатида 10 киши ҳалок бўлди, яна бир аёлнинг тақдири эса номаълумлигича қолмоқда, деб хабар беради «ТАСС».
Қутқарувчилар катамаранни текширувдан ўтказиб, тўрт нафар эркак ва олти нафар аёл ҳалок бўлганини маълум қилган.
Катамаран йўловчилари алкоголь ичимлик таъсирида бўлган. «Ёшлар ичиб олиб, дам олаётган эди», — дейилади хабарда.
Ҳодиса 12 июнь куни Волгограднинг дарё порти туманида юз берган.
Теплоход икки юк кемасини соҳилдан 250 метр узоқликда тортиб кетаётган эди. Катамаран юк кемаларидан бирига бориб урилган.
Катамаранни Волгоград вилояти Калачевский туманининг собиқ раҳбари Дмитрий Хахалев бошқарган.
«Дмитрий Хахалев катамаранни бошқарган. Дастлабки маълумотларга кўра, унда Хахалевнинг қариндоши ҳам бўлган. Қутқарилганлар орасида улар йўқ», — дейилади хабарда.
Изоҳ (0)