«Миллион» жамоасининг собиқ аъзоси Отабек Мирзахолов «Дарё» интернет-нашри учун эксклюзив интервью берди. Интервьюни журналист Феруз Муҳаммад уюштирди.
Интервью давомида Отабек Мирзахолов «Миллий арт» жамоаси аъзолари, жамоа олдига қўйган мақсади ҳамда илк концерт дастурини қачон тақдим қилиниши ҳақида батафсил гапириб берди.
Бундан кейин кўпроқ эътиборимизни миллийликка қаратмоқчимиз. Жуда кўпчилик мухлислар бизларнинг концертни муҳокама қилаётганда «оилавий кўриб бўлмайди», дея эътироз қилишарди. «Миллий арт» жамоаси менталитетимизга тўғри келадиган, ўзбекона, оила билан кўрса бўладиган, иложи борича қўпол ҳазил қилмасдан, ҳазилларида белдан пастга тушмасликка ҳаракат қиладиган жамоа бўлишини ният қилганмиз. Биз ҳазиллар томонлама миллийроқ руҳда ижод қилиш учун жамоамизни «Миллий арт» деб номладик. «Миллий арт» жамоасида Умид Умаров, Шаҳло Зоирова, Аҳмад Темуровлардан ташқари янги аъзолар ҳам иштирок этади. Бу ҳақда ижтимоий тармоқлардаги саҳифаларимизда мухлисларга маълум қилиб борамиз. Айни вақтда мақсад ва вазифаларимизни «Ўзбекконцерт» давлат муассасасига маълум қилиб, руҳсатнома чиқишини кутмоқдамиз. 2018 йил сентябрь ойларида илк концерт дастуримизни ўтказишни режалаштирганмиз.Отабек Мирзахолов, «Миллий арт» жамоаси аъзоси
Изоҳ (0)