Америкалик фуқаро пулини майдаламоқчи бўлди ва лотереядан миллион доллар ютиб олди

Америкалик фуқаро катта миқдордаги купюрани майдалаётганда лотерея чиптаси сотиб олди ва миллион доллар ютиб олди, деб хабар беради UPI.

Нью-Йоркнинг қашшоқ туманларидан бири Бронксда яшовчи Уильям Уильямс севган қизи Мишель Консепсьонга атир сотиб олиб бермоқчи бўлди, бироқ сотувчида қайтим учун майда пул йўқлиги боис 100 долларни майдалашга тўғри келди.

Шунда йигит пулни майдалаш учун автоматдан 20 долларга лотерея чиптаси сотиб олди.

«Мен айнан $5 Million Fortune лотерея чиптасини танладим, сабаби мен ундан бир вақтлар 700 доллар ютиб олган эдим», — дейди Уильямс.

Уильямс ҳимоя қатламини ўчирди ва кўзларига ишонмади.

«Миллион доллар ютганимни тушунганимда дўкондан югуриб чиқиб кетдим ва шу заҳотиёқ Мишелни хурсанд қилдим», — дейди у.

Жуфтлик пулларни қариндошларига ёрдам бериш учун сарфламоқчи, шунингдек хусусий мотосалон очмоқчи.