АҚШ давлат котиби Майк Помпео Хитой ҳукуматидан Пекиннинг Тяньаньмэнь майдонида 1989 йил 4 июнда намойишчиларнинг зўравонлик билан тарқатилиши оқибатида ҳалок бўлганлар ва жабрланганларнинг сонини расман эълон қилишни талаб этди, деб ёзади «Интерфакс».
«Биз Хитой ҳукуматидан ўлдирилганлар, қўлга олинганлар ва бедарак йўқолганлар сони ҳақидаги маълумотларни ошкор этишни талаб қилаётган дунё ҳамжамиятига қўшиламиз», — дейилади давлат котиби баёнотида. У майдондаги воқеаларни «бегуноҳ одамларни ҳаётдан олиб кетган фожиа» деб атади.
1989 йилда Хитой пойтахти ва бошқа бир нечта шаҳарларда талабалар ва аҳолининг бир қисми ҳукуматга қарши намойишлар ташкил қилган. 4 июнь куни ҳукумат Тяньаньмэнь майдонида намойишчиларнинг оммавий акцияларига барҳам бериш учун армияни ишга солган.
Аввалроқ эълон қилинган расмий маълумотларга кўра, ҳодисалар оқибатида 200 га яқин киши, шу жумладан, намойишчилар, аскарлар, ҳуқуқ-тартибот органлари ходимлари ҳалок бўлган. Қарийб 7 минг киши яраланган.
Изоҳ (0)