Россияга Ироқдан 94 нафар болакай олиб келинади, уларнинг оналари терроризмда айбланиб, ҳозирда қамоқда ушлаб турилибди. Бу ҳақда Чеченистон раҳбари Рамзан Қодиров маълум қилди, деб хабар беради Meduza.
«Уларнинг оналари хато йўлдан юрганлиги сабаб узоқ муддатга ва умрбод қамоқ жазосига ҳукм қилинган. Бироқ болалар ўз ота-оналарининг қилмишлари учун жавобгар эмас», — дейди Қодиров.
Дастлаб Россияга 49 нафар болакай қайтариб олиб келинади. Қодировнинг сўзларига қараганда, уларнинг 25 нафарини олиб келиш учун ҳозирда «барча зарурий ҳужжатлар» тайёрлаб қўйилган ва болалар июнь ойида Ироқни тарк этади.
Қолган 45 нафар болани қайтариш «жуда қийин жараён», чунки улар Россия ҳудудида туғилмаган.
Шунга қарамай, биз фарзандларимиз ўзининг ватанида, қариндошлари қуршовида ўсиб-улғайиши учун қўлимиздан келган ишни қиламиз.Мавжуд маълумотларга кўра, Ироқда 49 нафар аёлнинг 21 нафари умрбод қамоқ жазосига маҳкум этилган. Икки нафари ўлим жазосига ҳукм қилинган бўлса, 26 нафарининг суди ҳали бўлиб ўтмаган. Бу жуда ачинарли факт, бироқ мамлакат қонуни шуни талаб қилади.
Рамзан Қодиров, Чеченистон президенти
Изоҳ (0)