Ўзбекистон Республикаси Бош прокуратураси ҳузуридаги Департаментнинг Тошкент шаҳар бошқармаси ходимлари томонидан фирибгарлик йўли билан фуқаронинг катта миқдордаги пулини қўлга киритган фуқаро қўлга олинди, деб хабар беради Бош прокуратура матбуот хизмати.
Ўтказилган терговга қадар текширув давомида фуқаро Б. ўзини Низомий номидаги Тошкент давлат педагогика университети табиий фанлар факультети ўқитувчиси вазифасида ишлашини айтиб, фуқаро Ф.нинг ишончига кириб, уни алдаб, ўғли Б.ни Ўзбекистон миллий университетига юқори лавозимда ишловчи танишлари орқали ўқишга киритиб қўйишни ваъда қилиб, 6000 АҚШ долларини фирибгарлик йўли билан қўлга киритганлиги аниқланган.
Мазкур ҳолат юзасидан фуқаро Б.га нисбатан жиноят иши қўзғатилиб, тергов ҳаракатлари ўтказилмоқда.
Изоҳ (0)