Россиянинг «КБ Strelka» консалтинг компанияси мутахассислари Тошкент қиёфасини ўзгартириш бўйича лойиҳани амалга ошириш учун пойтахт кўчаларини ўрганишга киришди, деб ёзади «Газета.uz».
26 май куни Ўзбекистон Ёшлар иттифоқи кўнгиллилари Амир Темир хиёбони ҳамда шу номли кўчадан Юнусобод томон бўйлаб одамлар ва транспорт оқимини ўрганди. Лойиҳа доирасида бошқа тадқиқотлар ҳам олиб борилади.
Автомобиллар, жамоат транспорти, шунингдек, кўча ва тротуарларда ҳаракатланаётган пиёдалар сони транспорт ҳаракати полосаларининг самарали ташкил қилингани, тротуарларнинг етарлича кенглиги, уларнинг одамлар оқимини сиғдира олиши каби ҳолатларни таҳлил қилиш учун зарур.
Текширувлар чоғида олинган маълумот пойтахт кўчаларини шаҳар аҳолиси ва меҳмонлари учун қулай ҳудудга айлантириш лойиҳаларини ишлаб чиқиш учун асос бўлади. Бундан ташқари, ушбу маълумот бўйича вақт ўтиши билан Тошкент кўчалари реконструкциясининг самарадорлиги баҳоланиши мумкин.
Изоҳ (0)