АҚШ президенти Дональд Трамп КХДР етакчиси Ким Чен Ин билан учрашувни бекор қилишидан бор-йўғи бир неча соат аввалроқ Шимолий Корея ҳарбийлари Пунгери ядро полигонини йўқ қилди, деб ёзади Euronews. 25 май куни ҳодиса акс этган видео эълон қилинди: демонтаж чет эллик журналистлар иштирокида олиб борилган эди.
Пунгери Хамгён-Пукто провинциясидаги тоғларда жойлашган. Объект йўқ қилинганига қадар бу ерга бирор марта ҳам хорижликлар келмаган.
Таъкидланишича, полигонда фаолият юритган заряд шахталарининг учаласи ҳам йўқ қилинган. Илгари уларнинг сони тўртта эди, аммо 2006 йилда илк синов ўтказилган битта шахта ўша синовдан кейин кўп ўтмай ёпилган. Яна иккита кон эса бирор марта ҳам ишлатилмаган.
Масъул шахслар полигонни йўқ қилиш чоғида радиоактив моддаларнинг сизиб чиқиш ҳолати кузатилмагани, атроф-муҳит ва экологиягага ҳам зарар етмаганини маълум қилди.
Пхеньяннинг сўзларига кўра, энди КХДРда ядро синовлари учун имконият қолмади.
Изоҳ (0)