Туркия шимоли-шарқидаги Ардахан вилоятида автобус иштирокида юз берган йўл-транспорт ҳодисаси оқибатида камида тўрт киши ҳалок бўлди, 22 киши турли даражада тан жароҳати олди. Бу ҳақда «РИА Новости» хабар бермоқда.
Қайд этишларича, авария 12 май, шанба куни эрта тонгда Чилдир ва Акташ шаҳарлари оралиғидаги йўлда юз берган.
Ҳордиқ чиқариш учун йўл олган ўқитувчилар ва уларнинг оила аъзоларини олиб кетаётган автобус ҳайдовчиси бошқарувни йўқотган, оқибатда автобус ағдарилиб кетган.
Ҳалок бўлган тўрт кишидан бири ҳайдовчининг ўзи экани айтилмоқда. Шифохонага ётқизилган 22 кишидан беш нафарининг аҳволи эса оғир.
Ҳодиса юзасидан тегишли органлар томонидан суриштирув ишлари бошланган.
Изоҳ (0)