Ўзбекистон регби федерациясининг ижрочи директори Анатолий Широв Ўзбекистон тарихида илк маротаба Осиё чемпионати вақтида комиссар сифатида фаолият олиб боради. Бу ҳақда федерация матбуот хизмати «Дарё»га маълум қилди.
Айни пайтда ўзбекистонлик мутахассислар Осиё регби уюшмасининг ривожланиш, мусобақалар ва тиббий қўмиталари таркибида фаолият олиб бормоқда.
Анатолий Широв 16—19 май кунлари Қозоғистоннинг Олмаoта шаҳрида бўлиб ўтадиган Осиё чемпионатининг III Марказий Дивизион беллашувларида ишлайди. Мазкур баҳсларда Қозоғистон, Қирғизистон, Мўғулистон ва Покистон каби мамлакатлар терма жамоалари иштирок этади. Ўйинларни Гонконг, Канада, Малайзия, Сингапур, Буюк Британия ва Иордания каби мамлакатлардан ташриф буюрадиган ҳакамлар бригадаси бошқариб боради.
Маълумот учун регби бўйича эркаклар ўртасидаги Осиё чемпионати бир неча дивизонларда бўлиб ўтади (TOP-3, I Division, II Division, III Division West, III Division East, III Division Central). Ўз дивизионида юқори ўринни эгаллаган жамоалар юқори, паст натижалар қайд этганлар эса қуйи дивизионларга йўл олади.
Изоҳ (0)