Сурабай шаҳрининг 3 та черковида содир этилган теракт натижасида ҳалок бўлганлар сони 17 тага етди, 45 киши жароҳат олган. Бу ҳақида Шарқий Ява провинцияси полициясининг жамоатчилик билан алоқалар бўлими бошлиғи, подполковник Франс Барунг сўзларига таяниб, «ТАСС» хабар берди.
Подполковникнинг сўзларига қараганда, энг кўп қурбонлар аёл киши портлатган черковда қайд қилинган.
Аввалроқ полиция терактни 6 кишилик оила амалга оширгани, уларнинг 3 таси вояга етмаганлар бўлганини маълум қилган. Бундан ташқари, махсус хизматлар теракт ИШИДнинг «Жамаа аншарут даулах» гуруҳи томонидан амалга оширилганини аниқлаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)