Канн халқаро фестивали доирасида ташкил этилган миллий павильонда хорижий мамлакатлар билан ҳамкорлик алоқалари ўрнатилди. Бу ҳақда Ёш киноижодкорлар кенгашининг матбуот хизмати «Дарё»га хабар берди.
Фестивальнинг тўртинчи кунида Италия, Ҳиндистон, Хитой, Жанубий Корея, Қозоғистон делегациялари билан музокаралар олиб борилди.
Ўзбекистоннинг PROlogue халқаро кинофестивали ҳамда Қозоғистонда бўлиб ўтадиган Евросиё халқаро фестивали ўртасида ҳамкорлик алоқалари ўрнатилди. Ўзбек режиссёри Ёлқин Тўйчиев Евросиё кинофестивалининг, Қозоғистон халқ артисти Асанали Бешимов PROlogue фестивалининг ҳакамлар ҳайъатига киритилди.
Ўзбекистон делегацияси павильонга ташриф буюрган меҳмонларга PROlogue халқаро кинофестивали, «Ўзбеккино» миллий агентлиги ҳамда фильм комиссияси томонидан ташкил этилган кинопрокат маркази ҳақида ахборот бериб, хорижлик ҳамкасблар билан тажриба алмашди.
Изоҳ (0)