Ўзбекистонда нефть қазиб олиш ҳажми 9,8 фоизга камайди

Ўзбекистонда нефть қазиб олиш ҳажми камаймоқда. Бу ҳақда Давлат статистика қўмитасининг маълумотларига асосланиб, Spot хабар берди.

Жорий йилнинг январь—апрель ойларида мамлакатда 249,7 минг тонна нефть қазиб олинган, бу 2017 йилнинг худди шу даврида нисбатан 9,8 фозига кам (276,8 минг тонна) демакдир.

«Январь—март» давридан фарқли ўлароқ кўмир қазиб олиш ҳам қисқарган — 0,8 фозига (1,25 миллион тонна, 2017 йилда эса ушбу кўрсаткич 1,26 миллион тоннага тенг бўлган).

Табиий газ ишлаб чиқариш эса 6,7 фоизга ўсган (2017 йилнинг январь—апрель даврида 18 278,8 миллион метр куб табиий газ ишлаб чиқарилган бўлса, 2018 йилда 19 510 миллион метр кубни ташкил этган.

Газ конденсатини ишлаб чиқариш эса 20,3 фозига ўсган (712,8 миллион тонна).