Испания Ла Лигаси 36-тури марказий учрашуви 6 май санасида «Камп Ноу»да бўлиб ўтди.
Муддатидан аввал чемпионликка эришган «Барселона» азалий рақиби «Реал»га қарши кураш олиб борди. Учрашувнинг 10-дақиқасида Сержи Робертонинг узатмасини Луис Суаресга голга айлантирди. Орадан 4 дақиқа ўтиб, Криштиану Роналду гол уриб, ҳисобни тенглаштирди. Роналду гол урган вазиятда Пикенинг қўполлиги сабаб жароҳат олди ва иккинчи бўлимни захира ўриндиғида кузатишга мажбур бўлди. Биринчи бўлим якунида Сержи Роберто Марселога нисбатан қўполлик ишлатди ва ҳакам Робертога тўғридан-тўғри қизил карточка кўрсатиб, уни майдондан четлатди.
Иккинчи бўлимнинг 52-дақиқасида Лео Месси Навас дарвозасини ишғол этди. 72-дақиқага келиб Гарет Бэйл Асенсионинг пасини чиройли тарзда «Барселона» дарвозасига жойлаб қўйди. Шу тариқа ўйин томонларнинг жанговар дуранги билан якунланди.
Ла Лига
36-тур беллашувлари
6 май, якшанба
«Барселона» — «Реал Мадрид» 2:2
Голлар: 1:0 – 10 Суарес, 1:1 – 14 Роналду, 2:1 – 52 Месси, 2:2 – 72 Бэйл.«Барселона»: тер Стеген, Умтити, Пике, Альба, Коутиньо (Нельсон Семеду, 46), Сержи Роберто, Бускетс, Ракитич, Иньеста (Паулиньо, 58), Месси, Суарес (Пако, 90+1).
«Реал Мадрид»: Навас, Варан, Марсело, Начо (Васкес, 68), Рамос, Модрич, Каземиро, Кроос (Ковачич, 84), Бэйл, Роналду (Асенсио, 46), Бензема.
Огоҳлантиришлар: Начо (12), Варан (31), Суарес (44), Рамос (44), Месси (45), Бэйл (76), Марсело (77), Ракитич (85).
Четлатиш: Серджи Роберто (45).
Изоҳ (0)