Бугун «Эль-Класико». «Барселона» «Реал»ни ўз майдонида қабул қилади

4 май санасида футбол бўйича Испания Ла Лигасининг 36-тур беллашувлари бошланди.

Турни «Севилья» — «Реал Сосьедад» учрашув очиб берди. Ўйин 47-дақиқада Эвер Банега томонидан пенальтидан киритилган гол эвазига «Севилья» фойдасига ҳал бўлди.

Кеча, 5 май куни тур доирасида яна бир нечта учрашув бўлиб ўтди. Жумладан, «Вильярреал» ўз майдонида «Валенсия»га қарши кураш олиб борди. Мезбонлар 86-дақиқада Марио Гаспар томонидан киритилган гол эвазига ғалабани қўлга киритди.

Турнинг марказий учрашуви эса бугун «Камп Ноу»да бўлиб ўтади. Унда муддатидан аввал чемпионликка эришган «Барселона» азалий рақиби «Реал»га қарши кураш олиб боради. «Эль-Класико» Тошкент вақти билан 23:45 да бошланади. Учрашув Futbol-TV телеканали томонидан жонли эфирда намойиш этилади.

«Барселона»нинг ушбу ўйинга қайдномаси

«Реал Мадрид»нинг ушбу ўйинга қайдномаси

Жамоаларнинг бугунги ўйин учун тахминий таркбилари

Учрашувлар тарихи

Икки клуб ўзаро 198 та учрашувда тўқнаш келган. Шуларнинг 83 тасида «Реал», 77 тасида «Барселона»нинг қўли баланд келган. 38 баҳсда дуранг қайд этилган. Голлар уриш борасидаги устунлик ҳам мадридликлар томонида —311:328. Жамоалар ўртасидаги сўнгги 25 баҳснинг 22 тасида 3 тадан кўпроқ гол киритилган.

Учрашув ҳаками — Эрнандес Эрнандес

Бугунги ўйинни Эрнандес Эрнандес бошқаради. Мазкур ҳакам амалдаги мавсумда «Барселона» ва «Реал» иштирокидаги 3 тадан ўйинни бошқарган

«Барселона»

• «Эйбар» — «Барселона» 0:2. 3 сариқ, 1 қизил
• «Барселона» — «Сельта» 5:0
• «Барселона» — «Эйбар» 6:1. 2 сариқ

• «Реал» — «Реал Сосьедад» 5:2. 3 сариқ
• «Жирона» — «Реал» 2:1. 3 сариқ
• «Реал» — «Леванте» 1:1. 5 сариқ, 1 қизил

• «Барселона» бу мавсумдаги энг сермаҳсул жамоа — 87 та гол.
• «Барселона» Ла Лигада сўнгги 41 та учрашувда мағлуб бўлмади.
• «Барселона» сўнгги 7 турда иккитадан кўпроқ гол киритди.
• «Барселона» мавсумда 21 та гол ўтказиб юборди.
• «Барселона» мавсумда ўз майдонида 8 та гол ўтказиб юборди.
• Лео Месси айни дамда чемпионатнинг тўпурари — 32 гол.
• «Барса» ва «Реал» 2002 йилдан кейин бирор марта ҳам 0:0 ҳисобини қайд этмаган.
• Сўнгги 8 «Эль-Класико»нинг 5 тасида меҳмон жамоанинг қўли баланд келган.
• «Реал» сўнгги 6 сафар учрашувларида 15 гол киритган.
• Амалдаги мавсумда «Барселона»нинг Лео Месси, Луис Суарес ва Усмон Дембеледан иборат учлиги «Реал»нинг триоси — Криштиану Роналду, Гарет Бэйл ва Карим Бенземадан 6 та гол кўп киритган.
• «Реал» бу мавсум сафарда 16 учрашув ўтказди ва 10 тасида ғалабага эришди. 34 та гол уриб, 17 та гол ўтказиб юборди.
• «Реал» жорий мавсум сафардаги 4 баҳсда дарвозаси дахлсизлигини сақлаб қолди.