Буюк Британиянинг Суиндон шаҳрида яшовчи Невилл Дэйтон йўлдаги чуқурга қўғирчоқнинг бошини тиқиб қўйди ва шу орқали маҳаллий раҳбарларнинг эътиборини ана шу чуқурга қаратди. Бу ҳақда BBC News хабар берди.
Эркакнинг сўзларига кўра, ўнқир-чўнқирлар унинг жонига теккан ва шунинг учун у «қўғирчоқнинг кучи»дан фойдаланган. Дэйтон акцияси уч ҳафтадан буён давом этмоқда. Биринчи қўғирчоқни кимдир бир ҳафтадан сўнг олиб кетган, эркак эса унинг ўрнига бошқасини қўйган. Дэйтон қўғирчоқларни синган ўйинчоқлар сотиладиган хайрия дўконидан сотиб олади.
Маҳаллий кенгаш томонидан Дэйтонга маълум қилинишича, чуқур бир неча марта бартараф қилинган, бироқ у ҳар сафар ўша жойда қайтадан пайдо бўлмоқда. Эркак эса ўз навбатида чуқур бир неча ойдан буён йўқолмаганини, сифатсиз таъмирдан кейин янада катталашганини айтган.
Дэйтоннинг ҳаракатлари натижасида маҳаллий кенгаш йўлни таъмирлашга ваъда берган.
Изоҳ (0)