2018 йил 28 апрель куни Orient Finans банки ўз ходимлари – Ёшлар иттифоқи аъзолари учун Ўзбекистоннинг етакчи бизнесмен ва иқтисодчилари билан учрашувни ташкил этди. Маҳорат дарсини PayNetва LeBazar асосчиси Ботир Орифжонов, Murad Buildings девелопер компаниясига асос солган Мурад Назаров, SAP Ўзбекистондаги вакили Лазиз Адҳамов ҳамда RoboKids i Sales Doctor таъсисчиси Алишер Исаевлар бердилар.
Спикерлар банкнинг, айниқса, ёш ва фаол ходимларига хуш келган амалий семинар шаклида ўз бизнес лойиҳалари, шахсий ва касбий тажрибалари, муваффақиятга эришиш тарихи билан ўртоқлашдилар.
Маҳорат дарси меҳмонлари ва иштирокчиларга табрик сўзи билан Orient Finans банкининг бошқаруви раиси ўринбосари Шерзод Туйбоев мурожаат қилиб, кейинги сўзни Республика Ёшлар иттифоқининг Марказий Кенгаши раисининг биринчи ўринбосари Одилжон Тожиевга берди, у ўз нутқида йиғилганларнинг эътиборини бундай тадбир банкнинг инсон капиталини ва умуман республикани ривожлантириш учун жуда аҳамиятли эканлигига қаратди.
Ҳар бир спикер қисқа тақдимот билан чиқиб, унинг масалалари бўйича иштирокчилар ўз саволларини бердилар. Маҳорат дарси қизиқарли ўтди, ёш банк ходимлари спикерларга кўплаб саволлар бериб, уларга жавоблар олдилар ҳамда ушбу жавоблар уларга келажакдаги режалари ва шахсий ривожланишлари учун асос солди. Шунингдек, улар ўзбек жамиятининг энг ижодкор ва илғор инсонлари билан очиқ мулоқот қилиб, мамлакатда банк ишини ривожлантириш истиқболларини муҳокама қилиш имконига эга бўлдилар.
Маҳорат дарсининг якунида меҳмонлар банк ёшларига саволлар бердилар ҳамда энг билимдон ва ноанъанавий фикрлайдиган йигит-қизларга қимматбаҳо совғалар тақдим қилдилар. Барча иштирокчилар глобал ўзгаришлар ва инновацион ютуқлар даврида банк олдида турган улкан вазифаларни рўёбга чиқаришда ҳар бир киши ва бутун жамоа учун бундай шаклдаги тадбирларнинг амалий фойдасини ҳамжиҳатлик билан таъкидладилар.
Реклама ҳуқуқи асосида!
Изоҳ (0)