2018-yil 28-aprel kuni Orient Finans banki o‘z xodimlari – Yoshlar ittifoqi a’zolari uchun O‘zbekistonning yetakchi biznesmen va iqtisodchilari bilan uchrashuvni tashkil etdi. Mahorat darsini PayNet va LeBazar asoschisi Botir Orifjonov, Murad Buildings developer kompaniyasiga asos solgan Murad Nazarov, SAP O‘zbekistondagi vakili Laziz Adhamov hamda RoboKids i Sales Doctor ta’sischisi Alisher Isayevlar berdilar.
Spikerlar bankning, ayniqsa, yosh va faol xodimlariga xush kelgan amaliy seminar shaklida o‘z biznes loyihalari, shaxsiy va kasbiy tajribalari, muvaffaqiyatga erishish tarixi bilan o‘rtoqlashdilar.
Mahorat darsi mehmonlari va ishtirokchilarga tabrik so‘zi bilan Orient Finans bankining boshqaruvi raisi o‘rinbosari Sherzod Tuyboyev murojaat qilib, keyingi so‘zni Respublika Yoshlar ittifoqining Markaziy Kengashi raisining birinchi o‘rinbosari Odiljon Tojiyevga berdi, u o‘z nutqida yig‘ilganlarning e’tiborini bunday tadbir bankning inson kapitalini va umuman respublikani rivojlantirish uchun juda ahamiyatli ekanligiga qaratdi.
Har bir spiker qisqa taqdimot bilan chiqib, uning masalalari bo‘yicha ishtirokchilar o‘z savollarini berdilar. Mahorat darsi qiziqarli o‘tdi, yosh bank xodimlari spikerlarga ko‘plab savollar berib, ularga javoblar oldilar hamda ushbu javoblar ularga kelajakdagi rejalari va shaxsiy rivojlanishlari uchun asos soldi. Shuningdek, ular o‘zbek jamiyatining eng ijodkor va ilg‘or insonlari bilan ochiq muloqot qilib, mamlakatda bank ishini rivojlantirish istiqbollarini muhokama qilish imkoniga ega bo‘ldilar.
Mahorat darsining yakunida mehmonlar bank yoshlariga savollar berdilar hamda eng bilimdon va noan’anaviy fikrlaydigan yigit-qizlarga qimmatbaho sovg‘alar taqdim qildilar. Barcha ishtirokchilar global o‘zgarishlar va innovatsion yutuqlar davrida bank oldida turgan ulkan vazifalarni ro‘yobga chiqarishda har bir kishi va butun jamoa uchun bunday shakldagi tadbirlarning amaliy foydasini hamjihatlik bilan ta’kidladilar.
Reklama huquqi asosida!
Izoh (0)