Ўзбекистонда истеъмол товарларини импорт қилувчи ва дистрибьютори Платинум Траде Group «Ўзкимёполимерсавдо» АЖнинг 31 фоиз акциясини сотиб олди. Бу ҳақда «Тошкент» республика фонд биржаси маълумотларига асосланиб, Spot хабар берди.
Битим 26 апрель куни якунланган бўлиб, компания 128 884 та, яъни устав фондининг 31,7 фоиз акцияси эгасига айланди.
Платинум Траде Group компаниясига 2014 йилда, холдингига эса 2016 йилда асос солинган. Компания томонидан эълон қилинган вакансияларга кўра, Платинум Траде Group’нинг «Кириешки», ФАН ва бошқа шу каби брендларга алоқаси бор.
«Ўзкимёполимерсавдо»га эса 1994 йилда асос солинган бўлиб, компания кимёвий ва резина маҳсулотларини ишлаб чиқариш билан шуғулланади. 2018 йилнинг биринчи чораги ҳисоботларига кўра, унинг соф даромади 165 миллион сўмни ташкил этган.
Изоҳ (0)